MERGULLÁNDONOS NA INVESTIGACIÓN 2022: CASO DE COPO

INTRODUCIÓN

Copo (un can) é o heroe da Unidade Canina de Busca e Rescate da Protección Civil de Castro de Grelos. Vanlle realizar un recoñecemento clínico debido a que presenta unha sintomatoloxía anormal.

DATOS APORTADOS POLO INFORME

Copo tiña unhas pequenas feridas nun costado e unha mancha vermella no beizo. Pasada unha semana, o can perdera o apetito, vomitaba continuamente e as súas feces eran negras. Durante o recoñecemento clínico, a veterinaria viulle dúas carrachas por detrás das orellas. Finalmente, un frotis sanguíneo tinguido con panóptico rápido permitiu diagnosticar a súa enfermidade.

Agora procederemos a buscar hipóteses que se correspondan con eses síntomas.

Copo (can enfermo)

Células de Copo que se observan

HIPÓTESES

1. Que pode ter en función da perda de apetito, vómitos e feces negras?

Pensamos, pola nosa búsqueda, que se pode tratar de algún tipo de anemia.

2. Que pode presentar en función das carrachas e da diminución de glóbulos vermellos?

Procederemos a buscar enfermidades que poidan causar as carrachas.

INVESTIGACIÓN DA VERACIDADE E ANÁLISE DE DATOS

Os frotis sanguíneos permiten observar se os resultados dos glóbulos vermellos son normais, e isto podería indicar se padece anemia, entre outras enfermidades. Como se lle realizara un frotis sanguíneo que permitiu diagnosticar a súa enfermidade, levounos a pensar que pode ter anemia.

Na nosa indagación por Internet, atopamos que a anemia por deficiencia de ferro é un tipo frecuente de anemia no que o sangue non ten a cantidade suficiente de glóbulos vermellos. As carrachas (que Copo tiña dúas nas orellas) en caso de infeccións intensas, poden provocar esta enfermidade dunha forma máis ou menos severa, debido á pérdida de sangue. Isto podemos afirmalo ao observar co microscopio que o can presenta unha diminución notable de glóbulos vermellos con respecto a unha mostra de can san. O can infectado por carrachas pode presentar síntomas como vómitos ou falta de apetito. Isto era o que padecía Copo.

Can san

Copo

Con estas dúas imaxes, podemos observar perfectamente a importante diminución de glóbulos vermellos comentada anteriormente.

Células observadas do can san

Algúns signos e síntomas da anemia por deficiencia de ferro teñen relación coas causas da enfermidade. Por exemplo, as deposicións (materia fecal, excremento ou feces) de cor negra. O informe dicía que as feces de Copo eran negras.

Outros síntomas nos cans son falta de apetito e debilidade. Esa debilidade pode deberse aos vómitos (no caso de Copo).

Por último, a anemia pode provocar gretas nas comisuras da boca, e resulta que Copo tiña unha ferida no beizo.

Unha última búsqueda sobre as enfermidades que poden provocar as carrachas, levounos a crer que podía ter babesiose, que é unha enfermidade parasitaria semellante á malaria, provocada por protozoos do xénero Babesia Canis e que adoita afectar aos animais domésticos, en especial aos cans.

Os parasitos (Babesias) que a causan infectan os glóbulos vermellos.

Babesia Canis

Trátase dunha enfermidade moi grave e pode resultar mortal.

En caso de presentar síntomas, os máis frecuentes (e que presenta Copo) son:

Anemia
Vómitos
Debilidade
Pérdida do apetito

CONCLUSIÓNS

Unha vez rematada a nosa investigación, concluímos que Copo presenta babesiose. Non podemos estar 100% seguras porque non conseguimos atopar á Babesia mirando a mostra no microscopio.

Para chegar a esta conclusión, servímonos de que esta enfermidade causa anemia, e pola importante diminución de glóbulos vermellos que presentaba o can, poderiamos afirmalo. Ademais, a pérdida de apetito e vómito tamén son producidos por esta. Polo que todo o que padece, se explica coa babesiose.