Necropsia e frotis sanguíneo

Nesta práctica realizamos unha necropsia a unha troita e un frotis sanguíneo da sangue desta. Utilizaremos luvas de látex durante todo o procedemento.

 

O primeiro paso sería examinar o aspecto externo (indicaremos as partes máis adiante) da troita, o cal nos axudará a coñecer a causa da morte, pero, ao ser comprada, non será necesario facelo.

 

Para o frotis sanguíneo utilizaremos unha xiringa cunha agulla, 2 portaobxectos e 3 botes de tintura diferentes.

Buscaremos a liña lateral, pois baixo esta encóntrase a a vea caudal, da que sacaremos o sangue. Unha vez extraído, procederemos a colocar unha gota de sangue no portaobxectos e a estenderemos coa axuda doutro.

 

Tras isto realizaremos a tintura. Para isto introduciremos o portaobxectos coa mostra 5 veces en cada tinte, seguindo a seguinte orde: azul claro (panóptico 1), rosa (panóptico 2) e azul escuro (panóptico 3). Aclararemos con auga da billa e, unha vez seque, poderemos observar a preparación baixo o microscopio.

 

 

Glóbulos vermellos de peixe (con núcleo)

Glóbulos vermellos de can (sen núcleo)

 

 

 

 

Para a necropsia utilizaremos: bisturí, tesoiras, pinzas e unha caixa na cal iremos deixando os órganos extraídos.

 

Primeiro abriremos ao peixe, para iso cortaremos coas tesoiras dende o ano ata a aleta pectoral. Unha vez aberto poderemos observar os órganos internos.

 

Realizaremos un corte no intestino cerca do ano e outro na traquea para extraer os órganos citados anteriormente. Agora veremos tanto o corazón coma a vexiga natatoria e o ril (tras a vexiga natatoria). Para sacar o resto:

• Seccionaremos o bulbo arterioso para extraer o corazón.
• Coa axuda do bisturí iremos raspando os laterais da vexiga natatoria para separala da carne.
• Faremos igual ca coa vexiga natatoria para extraer o ril.

Xa soamente queda por extraer os ollos e abrir a cavidade cranial. Cravaremos o bisturí con coidado nos laterais dos ollos para cortar, tentando non rompelos, e poder sacalos.

 

Abriremos a cavidade cranial realizando un corte en forma de triángulo coas tesoiras no cranio, deixando ao descuberto o encéfalo.

 

 

Material:

1. Bandeixa (onde teremos o peixe e os órganos extraídos)
2. Papel (para evitar manchar)
3. Bisturí
4. Xiringa con agulla
5. Pinzas
6. Tesoiras

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Partes externas:

1. Ollos (órganos visuais)
   
2. Boca
3. Opérculo (detrás del están as branquias)
4. Liña media (órgano sensorial)
5. Aleta dorsal (función estabilizadora)
6. Aleta adiposa
7. Aleta caudal (xera empuxe)
8. Pedúnculo (empuxe)
9. Aleta anal (función estabilizadora)
10. Ano (abertura do tracto dixestivo, expulsa as feces)
11. Aleta pélvica (función estabilizadora)
12. Aleta pectoral (participa no movemento)

Partes internas:

1. Esófago (comunica a boca co estómago)
2. Estómago (onde dixire a comida)
3. Intestino (absorción dos nutrientes)
4. Fígado (produce bile, que axuda a dixerir graxas e proteínas, elimina deshechos da sangue e actúa coma unha reserva de alimentos)
5. Bazo (centro de actividade do sistema inmune)
6. Vexiga natatoria (desinflada) (órgano de flotación)
7. Ril (elimina substancias nocivas do sangue e encárgase da osmorregulación [balance auga-sal])
8. Ollos (órganos visuais) (non parte interna)
9. Encéfalo (parte central do sistema nervioso)