NECROPSIA + FROTIS DUNHA TROITA

 

Este blog consta dun informe sobre a realización dunha necropsia acompañada dun frotis sanguíneo.

Unha necropsia consiste nun exame do cadáver dun animal para ver se tiña algunha patoloxía previa que lle puido causar a morte.

· PROCEDEMENTO: EN QUE CONSISTE?

A necropsia, como ben dixen anteriormente, vai ir acompañada dun frotis sanguíneo.

Para realizar a necropsia, utilizaremos os seguintes materiais:

Coa axuda destes materiais, conseguiremos facer a nosa investigación, na cal:

• Examinamos a parte externa (aletas, escamas…) que puideron sufrir danos e que nos poden dar pistas sobre a causa da súa morte.

• Extracción do sangue mediante unha xeringa, que nos servirá para facer o frotis.

• Realizamos un corte caudal desde o ano ata a mandíbula cun bisturí.

• Separamos as dúas partes que nos quedaron logo da incisión, para ir sacando os órganos.

• Sacamos con cautela os órganos do tubo dixestivo, e despois sacamos a vexiga natatoria, para, posteriormente, chegar a sacar o ril. Cando saquemos o tubo dixestivo, probablemente saia tamén con el o corazón.

• Logo de que a nosa troita quede sen os órganos dixestivos, procederemos a abrirlle a cabeza.

• A cabeza abrirémola elaborando unha especie de triángulo de cortes, e, cando a saquemos, veremos o encéfalo e os ollos. Cando abramos a cabeza, tamén teremos unha óptima visión das branquias.

· REALIZACIÓN DO FROTIS. 

 Un frotis é unha proba de diagnóstico rápido na cal sacaremos unha mostra de sangue e a examinaremos. Seguiremos o seguinte procedemento:

• Extracción do sangue cunha xeringa de 1 ml, para ter máis precisión. A extracción de sangue realizarase na vea caudal. Puncionamos na liña lateral formando un ángulo de 45º cara arriba.

• Colocamos unha gota da xeringa sobre un portaobxectos. Coa axuda doutro, estenderemos o sangue por todo o portaobxectos (no que vertéramos a gota inicialmente).

• Logo procederemos a realizar a tinción. Para iso, deixamos secar o sangue e, cando esté seco, somerxeremos a mostra 5 veces en cada un dos 3 líquidos do kit de tinguidura rápida (primeiro o líquido azul claro: panóptico 1, logo o rosa: panóptico 2 e, por último, o líquido azul escuro: panóptico 3).

•  Aclaramos con auga da billa e deixamos secar.

• Cando seque, teremos xa a mostra preparada para vela no microscopio.

• 

Imaxe explicativa sobre a realización dun frotis sanguíneo

· COMPARACIÓN DA MOSTRA DO PEIXE COA DUN MAMÍFERO

A principal diferencia que se pode observar entre ambos os frotis é que os glóbulos vermellos do sangue do peixe é nucleada (a primeira imaxe), mentres que os dos mamíferos (segunda imaxe), non teñen núcleo.