NECROPSIA TROITA e FROTIS SANGUÍNEO

NECROPSIA TROITA

Unha necropsia consiste en realizar un exame externo e interno do animal morto para coñecer a causa da súa morte.

Para realizar a necropsia, necesitamos os seguintes materiais

-Unha troita

-Un bisturí 

-Unhas tesoiras

-Un par de luvas

- Unhas pinzas

-Unha bandexa para pousar a troita

-Un papel para non manchar

Despois de coller os materiais necesarios, damos comezo á necropsia. Os pasos a seguir para a realización da necropsia son:

1- Realizamos un exame externo onde miramos se a troita presenta feridas externas. Unha vez observado isto, pasamos ao seguinte paso.

2- Agora vamos a realizar o exame interno. Onde observaremos se o animal presenta feridas nos seus órganos. 

3-Abrimos a troita pola cavidade abdominal, dende o ano ata a mandíbula. Para isto utilizamos as tesoiras. 

TROITA ABERTA POLA CAVIDADE ABDOMINAL

4- Despois disto, vamos a observar os órganos do aparello dixestivo que hai no interior da troita e procedemos a extirpalos con cautela. Tamén, na parte da gorxa ( mais ou menos) encóntrase o corazón da troita. Inspeccionamos as cavidades abdominais, pericárdica e cranial.

PARTES DA TROITA SINALADAS

5- Comezamos quitando o tubo dixestivo, formado polo fígado, bazo, cegos pilóricose intestino, cortando co bisturí o comezo e o final do mesmo. Para isto, temos que coller un bisturí e ir despegándo estes órganos do corpo da troita.

RIL E TUBO DIXESTIVO

6-Seguimos coa retirada da vexiga natatoria, que debería estar hinchada, con moita cautela porque é moi fráxil e pode romper ( a min rompeume).

7-Despois de retirar esta, vamos proceder a quitar o ril, que se encontra xusto debaixo da vexiga natatoria, de cor negra e forma alargada.

8-Agora pasamos á cabeza. Recortamos a cabeza realizando un triángulo para, desta forma, poder encontrar e ver o cerebro. Unha vez encontrado retirámolo con precaución.

ABERTURA DA TROITA POLA CABEZA

 

9- Na cabeza encóntranse tamén as branquias, pero nunha parte máis externa que o cerebro. Estas encóntranse a cada lado da cabeza e podemos observalas levantando os opérculos

BRANQUIAS DA TROITA

10-Unha vez retirados todos os órganos, obsérvase se presentan feridas e estúdase a enfermidade pola que morreu, analizando as feridas externas e internas. Despois disto, a necropsia queda finalizada. 

FROTIS SANGUÍNEO

Un frotis sanguíneo é un exame de sangue que proporciona información sobre o número e a forma das células sanguíneas.

Para realizar o frotis sanguíneo, necesitamos os seguintes materiais:

-Unha troita

-Unha xeringa

-Dous portaobxectos

Pasos para realizar un frotis:

1-Extraer sangue da troita coa xeringa. Para isto,cravamos a xeringa  por debaixo da liña lateral pola parte da cola, cunha inclinación de 45 grados.

2- Dese sangue que extraemos, poñemos unha gota nun portaobxectos.

3- Coller o outro portaobxectos e realizar a técnica do frotis, que consiste en: extender esa gota empregando o outro portaobxectos. Primeiro, extendémola para atrás co portaobxectos inclinado e despois cara a diante, ata o final. Ten que quedar ben extendida

4- Acto seguido, deixámola secar e cando esté seca, procedemos a tinguila con diferentes tintes.

Primeiro sumerxémola 5 veces na tinción azul clarito (panóptico 1)

Despois, facemos o mesmo co tinte rosa (panóptico 2)

Por último, sumerximos a mostra 5 veces na tinción azul escura (panóptico 3)

Despois aclárase con auga e déixase secar. Cando esté seca, poderemos vela no microscopio.

FROTIS SANGUÍNEO REMATADO

ANÁLISE DA MOSTRA A MICROSCOPIO:

Realizamos un frotis sanguíneo e cando estaba seco, observámolo a microscopio e isto foi o que vimos:

Na mostra podemos ver os glóbulos vermellos. Os glóbulos vermellos dos peixes teñen núcleo, ao contrario que os dos humanos, que carecen de núcleo.

FROTIS SANGUÍNEO